koffie kringe

Asem in, asem uit,

tussen watter wêrelde vind jy jouself vanaand?

 

Waar spoel jy jou duifwit koppie

met ‘n bietjie warm water?

Opgehoop met kitskoffie

laat val jy jou teelepel in die koppie met ‘n geklingel

saam die kookborrel van die ketel

en roer.

 

Staar jy by jou kombuisvenster uit?

Hoor jy die reën?

 

Ek sit rustig op my stoep, saam die krieke,

en luister, na geluide van die donkermaan nag.

 

– Francois van Dijk

Leave a Reply

Your email address will not be published.