‘n boekwinkel wil ek besit
en donker koffie daaruit bedien
ek wil gesels met rustigheid
en skryf, of die waagmoed
bymekaarskraap om wel te skryf
om te kan skryf
sonder beplande mooi sê-woorde
om impulsief krapperig
met gelaaide ink
woorde aanmekaar te vleg
om verwronge en soms eenvoudige
droombeelde gestalte te gee
in ‘n minder vlietende vorm
sodat onbewuste onbewustheid
blootgelê kan word
– Francois van Dijk