Page 82 – Ek glo in Christus vir die haweloses, vir die verliefdes, vir die rokers, vir die tronkvoëls, vir die getatoeëerdes, vir die junkies, vir die kinder soldate, vir die wat anders as ek glo, vir die besigheidsmanne, en vir die enkel ouers, ek glo in Christus vir almal.

17/05/2014

gluhwein

Vrydagaand net voor ‘n tuinkonsert besluit ek om die aand met Gluhwein, eerder as gewone rooiwyn, te geniet. Ek is toe dadelik Woolies toe om ‘n paar bottels daar te gaan koop, maar toe is al die Gluhwein in die hele Bloemfontein uitverkoop, by Preller en die Loch Logan se Woolies. En ‘n koue aand om vuurtjies met sal net beter wees as ek ‘n glas warm wyn in my hand kan vashou.

Ek besluit toe net daar en dan om my eie gluhwein te maak, want so afhanklik kan ek nie van Woolies wees as hulle nie die produkte kan lewer nie. Ek bel toe ‘n vriendin, kry haar resep en koop die bestandele. Vinnig vinnig is ek daar uit met twee bottels wyn, en die nodige bestandele om die wyn ‘n transformasie te laat ondergaan.

Dit was toe eintlik heel eenvoudig om dit self te maak en het selfs beter as Woolies s’n geproe, want ek kon die smaak na my kies en keur manipuleer.

Ok, hier is die bestandele met die resep wat volg; ‘n Bottel rooiwyn, enige rooiwyn sal doen en dit hoef nie baie duur wyn te wees nie. ‘n Pakkie naartjies. Kaneel stokkies. Naaltjies (Cloves). Suiker.

Wat jy doen is jy sit heel eerste ‘n pot op die stoof en draai die plaat sommer na max, tensy jy virewig daar wil staan. Gooi jou bottel wyn in die pot. Rasper ‘n naartjie se skil in die wyn in, en daarna sny jy dieselfde naartjie in skywe op en gooi dit ook in die wyn. Gooi dan twee kaneel stokkies by en so vier na ses naaltjies, na smaak. Om die ergste suur te breek het ek toe ook drie eetlepels suiker by die mengsel gegooi. Dit is alles wat jy gebruik op een bottel wyn. Jy roer dit goed deurmekaar en laat dit warm word tot dit begin borrel, laat dit dan borrel vir so 5minute. Na die 5minute kan jy dit van die plaat afhaal, ‘n sif uithaal en die mengsel daardeur gooi om al die stukkies uit die wyn te haal. Gooi dit dan in ‘n fles en daar het jy jou lekker warm wyn om langs ‘n vuurtjie, kaggel, of sommer terwyl jy ‘n boek lees te geniet.

Jy kan natuurlik meer naartjie skywe ingooi as jy ‘n meer sitrus smaak verlang, ek het gekies om dit redelik neutraal met ‘n effense soet smakie te maak.

So gaan voort en maak jou eie Gluhwein!

17/05/201408/04/2020

suurdeeg broodjie

Vir die eerste keer in my lewe het ek ‘n Vrydag oggend opgestaan met die voorneme om ‘n suurdeeg broodjie te bak. Dit was heeltemal nuut tot my. Ek kon suurdeeg broodjies nog net uit die kombuiste van vriende waardeer. Die broodreuk terwyl dit stadig in die oond bak terwyl mens die huis in stap op ‘n koue nag het my nog elke keer gevang, so warm gevoel wat dit skep. Saam met brood, is ek nog altyd van die oortuiging moet rooiwyn geniet word. ‘n Tradisionele nagmaal in die kleine, vriende om ‘n broodjie met botter, konfyte, kasies, heuning, en rooiwyn.

Ek het die broodjie vanuit ‘n ou resepteboek gebak wat nog in ponde en fahrenheit werk. Geluk met my goeie assistent, Google, kon ek die mates redelik met gemak omskakel. Dit was ‘n basiese resep met niks snaakse dinge bygevoeg of tricks om te doen nie. Wat seker die moeilikste van die hele storie was, was om intuisie te gebruik om te weet wanneer om op te hou knie.

Suurdeeg is ‘n wonderlike medium met soveel veranderlikes wat die smaak en tekstuur van die broodjie sal verander namate dinge vinniger of stadiger gedoen word. En ja, suurdeegbroodjie bak is nie ‘n vinnige ding nie. Dit vat tyd. Jy moet kan wag vir die deeg om te reis, dit af te knie, dit weer te laat reis voordat jy eers aan die oond kan begin dink.

Broodjie bak is ‘n terapeutiese ding, en ‘n broodjie is ook nie ‘n broodjie as dit nie gedeel word nie. So begin ‘n broodjie te bak en voor jy weer sien sit jy met gesellige vriende om ‘n kombuistafel en breek broodjie saam ‘n donker glas rooiwyn.

10/05/2014

YOLO so uit die Bybel.

Ek het lanklaas iets van waarde getik, hierdie behoort waarskynlik ook snert te wees. Ekt nie rooiwyn in my hand, geen nuwe ervaring onlangs gehad, slegs ek. En dalk juis daarom is dit tyd om weer aan die skryf te raak, bloot vir die genot van skyf. Ek hou steeds van skryf, om my gedagtes op ‘n manier te karteer deur tyd en ruimte.

Eks tans eintlik onder heavy akademiese druk wat hopelik in die volgende drie weke ligter op my skouers sal druk indien ek die mas suksesvol sal opkom, wat ek sal. Dis nou daai oomblik wanneer die kar so vinnig ry dat die lewe ‘n tonneltjie voor jou raak en alles om jou blur net in strepies… Ek hou nie hiervan nie. Ek kan nie kwaliteit werk produseer in min tyd nie. Wel, as ek baie tyd het, doen ek net die heeltyd navorsing en gaan kyk in elke hasegat wat daar aangaan voordat ek verder beweeg. Dis my probleem met akademie, en wil heeltyd breer gaan, terwyl dit beter is om dieper te gaan.

Ek het nie iets filosofies om vanaand te se nie. Ek lees nog heel week Prediker, die afgelope twee weke eintlik. Eks nou ietwat van ‘n kenner op die gebied van Prediker vir die volgende week totdat ek dit weer vergeet. Die prediker se boodskap is eintlik heel postmodern, so uit die Bybel. Hy voer aan dat die lewe geniet moet word vir wat dit nou is, want niemand kan weet wat more inhou nie, daarom geniet nou vir wat dit is. Dit is ook al sin wat hy in die lewe insien, vreugde is die toppunt en die enigste punt van die lewe vir hom. ‘n Weergawe van YOLO so uit die Bybel! Wie sou dit nou kon raai?

In ander nuus. Ekt myself gevang ‘n voicemail save. Dit was van ‘n ou vriendin met wie ek al ‘n lang pad saam kom. Dit was so lekker om haar stem weer te hoor. Daar is steeds iets omtrent haar wat my laat dink aan die Athena van Coelho se Witch of Portabello. Sy is so freespirit op haar eie mission en put altyd die meeste en beste uit die lewe en maak dit ook ‘n beter plek vir almal rondom haar. Sy is aansteeklik, eenvoudig gestel. Dit is maklik om die wereld deur haar oe te aanskou, te bewonder, te geniet. Sy is soos ‘n rooi rok wat om ‘n kampvuur dans… Haar stem dra ook hierdie eerlike gemaklike toon wat mens innooi in haar wereld in. Sy is betowerend.

Voordat ek in ‘n normale dagboek inskrywing verval en my binneste aan die wereld vertel in die narratief wat my lewe probeer wees sal ek dit hier kortknip met die glimlag wat nou oor my lippe gly.

Totsiens vreemdeling!