Tag: hartklop

Hoe om versoeking te oorwin

Wat is versoeking?

Versoeking is om te oorweeg om iets te doen wat oneer aan die Here sal bring. Versoeking kan slegs in ons gedagtes ontstaan. Dit is waar alles begin.

Wanneer word versoeking sonde?
• Wanneer die gedagte oorgaan tot die daad.
• Wanneer ons verkeerde gedagtes vertroetel.
• “’n Mens word verlei deur sy eie begeertes wat hom aanlok en saamsleep. Daarna, as diebegeertes bevrug geraak het, bring dit die sonde voort.” – Jakobus 1:14-15.
• Ons kan nie verhoed dat bose gedagtes in ons denke ontstaan nie. Ons kan wel verhoed dat hulle daar bly.
• Hoe sal on sweet wanneer die versoeking oorgeslaan het na sonde? Die Heilige Gees sal dit onder ons aandag bring en dit as sonde uitwys.

Waarom ervaar ons versoekings?
• Eerstens, ons sondige natuur lok ons weg van God, dit is die vloek waarmee ons gebore is.
• “…wat ons sondige natuur begeer, is in stryd met wat die Gees wil.” – Galasiers 5:17.
• Tweedens, die wereld lyk altyd aantreklik, die wereld verwys na die waardes wat in die lewens van ongelowiges regeer. Wat die media ons nie vertel nie, is die hartseer, die emosionele pyn en die leegheid wat ‘n wereldse leefstyl meebring.
• Derderns, probeer die satan voortdurend om die gelowige te pootjie.
• “…die duiwel loop rond soos ‘n brullende leeu, op soek na iemand om te verslind.” – 1 Petrus 5:8-9.
Die begeertes van die sondige natuur.
• In Galasiers 5:19-21 vind ons ‘n lys van al die dade van die sondige natuur.
• Die sensuele sondes: onsedelikheid, onreinheid, losbandigheid, dronkenskap, ens.
• Die emosionele sondes: haat, naywer, woede, rusies, afguns, uitspattigheid, ens.
• Die geestelike sondes: afgodsdiens en towery.

Die waardes van hierdie wereld.
• Hoogmoed: “Alles wat tipies is van die menslike begeerte, die begeerte vir alles wat die oog sien, en die valse roem op besittings, kom nie van die Vader nie, maar het sy oorprong in die wereld.” – 1 Joh 2:16
• Materialisme: “…die wat ryk wil word, val in versoeking…want geldgierigheid is ‘n wortel van allerlei kwaad.” – 1 Tim 6:9-10. Let weld at dit nie se dat geld die probleem is nie – dit is geldgierigheid, dit wil se, die liefde vir geld.
• Selfgerigtheid: Ons word vertel dat ons altyd eerste na onsself moet kyk. My behoeftes moet voorkeur kry bo die van ander. As Jesus die versoeking van selfgerigtheid uitgevoer het sou Hy steeds koning van die wereld gewees het, satan het Hom immers al die mag aangebied. Maar Hy sou nie die mag van die satan gebreek het nie.

Die versoeking om God se Woord te ignoreer
• Soms is die versoeking nie om God se Woord te verontagsaam nie, maar om dit te betwyfel.
• Soms word ons versoek om God se Woord te verontagsaam deur staat te maak op wat mense se eerder as wat God se.

Wat is God se rol in versoeking?
• Die Bybel stel dit onomwonde dat God ons nie versoek om te sondig nie. – Jakobus 1:13
• Hy laat egter wel toe dat die satan beproewinge oor ons bring. Maar God stel perke.
• “God is getrou. Hy sal nie toelaat dat julle bo julle kragte versoek word nie; as die versoeking kom, sal Hy ook die uitkoms gee, sodat julle dit kan weerstaan.” – 1 Korintiers 10:13
• Die Here gee ons die krag om te oorwin. Hebreers 2:18 se: “Omdat Hy self versoek is en gely het, kan Hy die help wat versoek word.”
• Die argument dat “die duiwel my dit laat doen het” geld nie vir ‘n gelowige nie.
Waarom laat God toe dat ons versoek word?
• Dit is duidelik vanuit die Skrif dat God toelaat dat sy kinders beproef word om sodoende ons geloof te versterk. Niks kan groei sonder een of ander vorm van weerstand nie, of ons nou praat van ons spiere of die wortels van die plante in ons tuine.
• Jesus het nie verhoed dat die satan die dissipels beproef nie, Hy het eerder gese Hy sal vir hulle bid dat hulle geloof hulle nie begewe nie. – Lukas 22:32.
• Hy laat ook toe dat ons versoek word omdat dit Hom eer bring wanneer ons die versoeking oorwin. – 1 Petrus 1:6-7.

Wat moet ons doen om versoeking te oorwin?
• Erken die skadelike gevolge van sonde: die eerste stap in om te erken dat God se gebooie nooit bedoel is om genot van ons te weerhou nie. Hy het ons die gebooie gegee om ons te beskerm. So lank as wat ons sonde sien as iets aangenaams wat ons ontse word, sal ons nooit versoeking oor die lang termyn kan oorwin nie.
• Waak en bid: Hoe meer ek die Bybel deel van my denke maak, hoe meer gee dit my die wapens om versoeking te oorwin. Psalm 119:9 som dit mooi op: “Hoe kan ‘n jongmens sy lewe skoon hou? Deur hom te hou aan u Woord.” Jesus het ook sy dissipels geleer om te bid dat hulle nie in versoeking sal kom nie, maar verlos word van die bose. – Matteus 6:13.
• Vlug vir die begeertes van die sondige natuur: 2 Timoteus 2:22 se dat ons moet vlug vir enige iets wat jeugdige drange aanwakker. 1 Tessalonisense 5:22 se dat ons moet wegbly van alles wat sleg is.
• Weerstaan die duiwel se voorstelle: Jakobus 4:7 belowe ons dat as ons die duiwel teestaan hy van ons sal wegvlug. Die beste manier om enige slegte gedagtes te laat weggaan is om na die Woord van God te gaan. Elke voorstel wat die satan in Jesusse gedagtes geplant het, is beantwoord met “daar staan geskrywe…”

Hoe om ons skuldlas te verwerk

As ons van ’n skuldlas praat, moet ons ’n onderskeid tref tussen die staat van skuld en die gevoel van skuld.

Die staat van skuld.

• Sosiale skuld: Numeri 5:6 “wanneer iemand, man of vrou, ’n medemens benadeel…is hy skuldig.”
• Statutêre skuld: Romeine 13:5 sê ons moet ons onderwerp aan die owerhede, “nie net omdat jy vir straf bang is nie, maar ook omdat dit ’n gewetensaak is.”
• Morele skuld: 1 Johannes 3:4 sê: “Elkeen wat sonde doen, oortree die wet van God.”

’n Oortreding skep altyd ’n skuldlas. Dit is die staat van skuld.

Die gevoel van skuld.

In Psalm 38:5 sê Dawid: “Ja, my ongeregtighede het my oorweldig soos ’n las wat vir my te swaar is.” Die oorsaak van baie van ons emosionele probleme is ons gevoelens van skuld. Soms raak dit ons fisies (byvoorbeeld ’n onvermoë om te slaap), ander kere raak dit ons emosioneel.

Vier moontlike toestande van skuld
• Onderdrukte skuld: As ons skuldig is, maar ons voel nie skuldig nie.
• Erkende skuld: As ons skuldig is en ons voel skuldig.
• Valse skuld: As ons nie skuldig is nie, maar ons voel skuldig.
• Geen skuld: As ons nie skuldig is nie en voel ook nie skuldig nie.

Onderdrukte skuld
• Rasionaliseer oortreding deur te sê dat ons almal maar sondaars is.
• Nog ’n manier om ons skuld te onderdruk is om iemand anders te blameer.
• Sommige probeer ons skuldgevoelens te onderdruk deur dit as normaal te regverdig.
• Hoor wat Dawid ervaar het voordat hy sy sonde bely het: “Toe ek oor my sonde geswyg het, het my liggaam uitgeteer soos ek heeldag om hulp geroep het. U hand het dag en nag swaar op my gedruk, my krag het opgedroog soos water in somerhitte.” – Psalm 32:3-4.
• As ons voortgaan om ons skuldgevoelens te onderdruk, sal ons uiteindelik ons gewete vernietig. In 1 Timoteus 4:2 lees ons van “skynheilige leuenaars wie se gewete toegeskroei is.”

Erkende skuld

• Daar is net een manier om skuld te delg en dit is om die skuld te betaal.
• Sosiale skuld: ’n Opregte verskoning.
• Statutêre skuld: ’n Boete of tronkstraf.
• Morele skuld: Die ewige hel en verdoemenis.
• 1 Petrus 2:24 “Hy het self ons sondes in sy liggaam aan die kruis gedra.”
• Jesus het ons morele skuld betaal, ons moet egter self ons sosiale en statutêre skuld betaal.

Wat van ons skuldgevoelens?
Soos ons sien sal betaling die staat van die skuld verwyder. Dit verwyder egter nie die gevoel van skuld nie. Die skuldgevoel sal slegs verdwyn wanneer die vereffening van die skuld aanvaar word.

Valse skuld

Waar kom valse skuld vandaan?
• Wettiese teologie waar die klem val op die dinge wat ons moet en nie moet doen nie.
• Wanneer ons terugkyk op ’n situasie en dan onsself onredelik die skuld gee. “Ek moes…” of “As ek maar net…”

Oorkoming van valse skuld

• Het ek ’n mens-gemaakte “wet” oortree?
o “Christus het ons vrygemaak om werklik vry te wees. Staan dan vas in hierdie vryheid en moet julle nie weer onder ’n slawejuk laat indwing nie.” – Galasiërs 5:1.
• Was die valse skuld as gevolg van emosionele manipulasie?
o “Dis vir my werklik nie belangrik hoe julle of enige menslike regbank my beoordeel nie… Die Here se oordeel oor my is al wat saak maak.” – 1 Korintiërs 4:3-4.
• Was dit vanweë onvolmaaktheid?
o “Ek is veral ook daarvan oortuig dat God, wat die goeie werk in julle begin het, dit end-uit sal voer en dit sal voleindig op die dag wanneer Christus Jesus kom.” – Filippense 1:6.

Mag jy weier om jouself te belas met valse skuld. Jy mag spyt wees oor dinge wat in jou lewe gebeur het, maar jy hoef nie gebuk te gaan onder die swaar las van valse skuld nie.

Handhaaf jou verhouding met die Here deur enige sonde wat die Gees onder jou aandag bring, onmiddellik te bely en reg te stel. Geniet dan jou “Geen Skuld”

Ons posisie in Christus

1.) Wat bepaal ons optrede?
• Suksesvolle mense teenoor mense waarmee alles skeefloop
• Selfbeeld bepaal baie
• ’n Gedragsiklus word gekweek
• Ons moet onsself sien soos die Here ons sien

2.) Ons sondige mens is gekruisig.
• Rom 6:6 “…sondige mens wat ons was, saam met Christus gekruisig is, sodat ons sondige bestaan beëindig kon word.”
• Die probleem is ons glo dit nie en laat die sonde steeds ons gedrag beïnvloed.
• Rom 7:6 “Ons is nou vrygemaak van die wet wat ons gebind het.”
• Ons moet optree asof ons sondige natuur dood is, dan sal ons agterkom dat die sonde se, mag inderdaad gebreek is.

3.) Ons is verseël met die Heilige Gees.
• Ef. 1:13 “Ons is verseël met die Heilige Gees.” Ons is Syne, ons behoort aan die Here.
• Soos ’n verloofring is die seël van die Heilige Gees.
• Ons beminning, ons liefde, moet eerste op God toegespits wees.

4.) Ons is geroepe o heilig te wees.
• Waaraan laat die woord “heilige” of “saint” jou dink?
• Die Bybel se definisie: Rom 1:7 “geroepe heiliges”
• ’n Heilige is iemand wat weer deur die Gees gebore is.
• Dit is iets wat jy reeds is. Jy is reeds ’n heilige.
• Ef. 4:1 “…laat julle lewe in ooreenstemming wees met julle roeping wat julle van God ontvang.”

5.) Heilige optrede.
• As ons geroepe is om heiliges te wees, hoe moet ons optree?
• Gal 6:22-23 “…liefdevol, vreugdevol, vredeliewend, geduldig, vriendelik, goedhartig, getrou, nederig, selfbeheersd…”
• As heiliges het ons dieselfde versoekings en frustrasies as almal anders, maar as heiliges probeer ons om op ’n positiewe manier op die lewe se beproewings en moeilike omstandighede te reageer.